Është zbardhur ngjarja që ka ndodhur në orët e para të mëngjesit të ditës së djeshme në Shkodër, ku mbeti i plagosur 27-vjeçari Vasel Koçeku.
Shërbimet e Drejtorisë Vendore të Policisë Shkodër dhe grupi hetimor, nën drejtimin e Prokurorisë së Rrethit Gjyqësor Shkodër, kanë zbardhur ngjarjen dhe ka identifikuar autorin e dyshuar të plagosjes me armë zjarri të shtetasit Vasel Koçeku, 27 vjeç.
Për këtë rast është shpallur në kërkim shtetasi R. Z. 30 vjeç, banues në lagjen Skënderbeg, Shkodër, për veprën penale “Plagosja e lehtë me dashje”.
Ndërsa është bërë edhe ndalimi i shtetasit Vasel Koçeku, 27 vjeç, banues në fshatin Boriç i Vogël, Malësi e Madhe, për veprën penale “Largimi i të burgosurit nga vendi i qëndrimit, i cili ka qenë me masë sigurie “Arrest në shtëpi”, pasi kishte dalë me leje të posaçme për efekt të COVID-19.
Dhe shtetasi E. D., 32 vjeç, banues në fshatin Grudë e Re, Shkodër, është ndaluar për veprën penale “Moskallëzimi i krimit”.
Nga veprimet e para hetimore rezulton se kjo ngjarje ka ndodhur për motive të dobëta. Materialet iu referuan Prokurorisë së Rrethit Gjyqësor Shkodër, për veprime të mëtejshme.k.t/Fjala.al/
