Mediat e huaja raportojnë se Irani ka regjistruar ditën e mërkurë një numër rekord të rasteve të reja, plot 3,574. Ndërkohë që numri më i madh i rasteve gjatë valës së parë ishte me 3.186, të regjistruara më 30 mars.
Vendi i Lindjes së Mesme iu nënshtrua masave kufizuese që prej muajit shkurt. Irani pa një zbutje të situatës në muajin prill dhe prej pak kohësh kishte filluar të lehtësonte masat e bllokimit.
Rritjet e rasteve u ngritën përsëri në fillim të muajit maj, ndërsa vendi tani ka raportuar për tre ditë me radhë me mbi 3,000 të infektuar.
Me më shumë se 167 mijë raste të konfirmuara dhe 8,134 viktima, Irani renditet në vendin e njëmbëdhjetë të vendeve më të prekura nga koronavirusi./l.m/Fjala.al
