Pavarësisht debatit të ditëve të fundit dhe përplasjeve publike, revista prestigjoze Forbes i ka dhënë atributet për arritjet e saj, 22 vjeçares Kylie Jenner, për suksesin e saj. Biznesmenia është renditur në vendin e parë në listën me 100 personazhet më të paguara të vitit, me Jenner që është zgjedhur zyrtarisht personaliteti i famshëm më i paguar në botë.
Sipas Forbes, 22 vjeçarja fitoi 590 milionë dollarë vitin e shkuar, pjesa më e madhe e të cilave u sigurua nga shitja e 51% të aksioneve të kompanisë së saj të kozmetikës.
Në vend të dytë të listës me 100 personazhet më të paguar renditet kunati i saj Kayne West, që vitin e shkuar siguroi 170 milionë dollarë fitime, ndërsa Forbes vlerëson se pasuria e tij arrin në 1.3 miliardë dollarë.
Personazhe të tjerë që plotësojnë top dhjetëshen e personaliteteve më të paguara në 1 vit renditen tenisti Roger Federer me fitime 106.3 milionë dollarë, Cristiano Ronaldo me 105 mln $, Lionel Messi me 104 mln $, Tyler Perry me 97 mln $, Neymar me 95 mln $, Howard Fern me 90 mln $, LeBron James 88.2 mln $ dhe aktori Dwayne Johnson me me fitime 87.5 milionë dollarë vetëm vitin e shkuar.
