Billie Eilish rrëfeu se ka tentuar të vrasë veten gjatë një ndalese të turit të saj të vitit 2018, në Berlin të Gjermanisë, kjo për shkak të bullizmit që njerëzit ushtronin ndaj saj në rrjetet sociale.
Këngëtarja 18 vjeçare tha se ka qëndruar për orë të tëra në dhomën e hotelit në Berlin duke qarë duke menduar për mënyrat sesi mund ti jepte fund jetës për shkak të komenteve në rrjetet sociale. Këngëtarja rrëfeu vitet e vështira në një intervistë për revistës “British GQ” dhe atë periudhë e përshkroi si të pabesueshme raporton The Sun.
5 herë fituesja e çmimit Grammy thotë se mendoi seriozisht vetëvrasjen vetëm për shkak të komenteve negative në Twitter, që lidheshin kryesisht me trupin apo flokët e saj e jo për muzikën.
“Në atë moment vendosa vetëm ti dërgoj një mesazh menaxherit tim, që ndodhej në po të njëjtin hotel dhe ai më ndihmoi” thotë Billie.
Në atë kohë Billie vishej vetëm në mënyrë të çrregullt, me veshje disa masa më të mëdha e të lirshme dhe kjo për të fshehur trupin.
Edhe pse u bë e famshme në vitin 2015, rruga për këngëtaren do të ishte e vështirë por revista Forbes e rendit Billie Eilish në listën e personaliteteve më të paguara të vitit 2020. Në vitin 2019, ajo siguroi fitime prej 53 milionë dollarësh .k.t/Fjala.al/
