Pas heqjes së patentës nga ana e Policisë Rrugore, Shkëlzen Berisha ka reaguar përmes një statusi në facebook.
Berisha ka kërkuar ndjesë për tejkalimin e shpejtësisë dhe gjithashtu ka hedhur poshtë akuzat për kundërshtim ndaj policisë në momentin e ndalimit.
Postimi i Shkëlzen Berishës:
Të dashur miq, së pari më duhet ta nis me një ndjesë për kalimin e shpejtësisë së lejuar sepse ajo kërcënon jetën e të gjithëve. Së dyti, në lidhje me një shpifje të shpërndarë sot nga media pranë qeverisë dëshiroj të sqaroj se për asnjë moment dhe në asnjë rrethanë, asnjë procedurë ligjore apo punonjës i rendit nuk është kundërshtuar nga unë gjatë ushtrimit të detyrës.
Dokumenti i kërkuar në zbatim të ligjit është dorëzuar po në zbatim të ligjit, pa asnjë lloj debati, kundërshtimi apo refuzimi. Nëse do ishte ndryshe sot në vend të shpifjeve të mediave pranë qeverisë do duhej të kishim një padi nga ana e policisë për kundërshtim të saj gjatë ushtrimit të detyrës. Por në vend të akuzës kemi shpifjen, sepse e para kërkon prova ndërsa e dyta vetëm lekët e atyre që e sponsorizojnë./Fjala.al/k.b
