Conor McGregor ka shokuar fansat duke deklaruar se do të tërhiqet nga boksi në moshën 31 vjeçare.
Boksieri irlandez, i cili ditët e fundit ka qenë aktiv në rrjetet sociale duke postuar video nga stërvitja përpara ndeshjes së programuar në fund të qershorit, njoftoi në Twitter se ka vendosur të tërhiqet përfundimisht dhe nuk do të ndeshet kurrë më.
McGregor shkruajti: “Hej, kam vendosur të tërhiqem nga ndeshja. Faleminderit të gjithëve për kujtimet e jashtëzakonshme. Çfarë gare ka qenë”.
Conor McGregor kishte programuar në kalendarin e ndeshjeve për këtë vit 3 përballje, të cilat u shtynë për shkak të pandemisë.
Gjithsesi gjatë karrierës së tij si boksier, Conor ka fituar 200 milionë dollarë. Por kjo nuk është hera e parë që Conor McGregor thotë se tërhiqet përfundimisht.
Edhe pse këtë herë thotë se do të dalë në pension të parakohshëm, boksieri njoftoi po njësoj tërheqjen në mars të vitit të shkuar dhe një herë para saj, por u ngjit sërish në ring./b.b/fjala.al
