Menjëherë pas atentatit, ndaj Ardjan Çapajt policia ka nisur shoqërimet e personave që mund të kenë dijeni për ngjarjen.
Uniformat blu të Elbasanit, kur ka kaluar vetëm një orë nga atentati ndaj 55-vjeçarit kanë shoqëruar në komisariat disa persona. Të shoqëruarit janë persona që kanë konflikte me anëtarët e fisit Çapja.
Në ndihmë të policisë lokale dhe FNSH-së së Elbasanit, për kapjen e autorëve po shkon edhe një grup i repartit special RENEA.
I plagosuri është transportuar për në spitalin e Traumës për ndihmë me të specializuar, pasi një prej plumbave i ka prekur organet jetësore.
Kujtojmë se ngjarja ka ndodhur paraditen e sotme në afërsi të Krastës. Ardian Çapjas i është bërë atentat sapo ka dal nga ambientet e hotelit.
Burime për gazetën “Fjala” raportojnë se në shkëmbimin e zjarrit janë përfshirë disa persona. Gjithashtu, mësohet se anëtarë të tjerë të fisit Çapja kanë qëlluar ndaj autorëve.
Autorët pas ngjarjes kanë braktisur dhe djegur makinën në zonën e Fushë Mbretit. Brenda në makinë ka pasur fishekë, të cilët kanë shpërthyer nga djegia duke plagosur njërin prej zjarrfikësve që po shuante flakët. Ndërkohë makina ishte e pajisur me targa false.
Ardian Çapja nuk është i panjohur për policinë, pasi në qershor të vitit 2016, bashkë me Florenc Çapjan dhe Bledar Muçën, sulmuan efektivët e policisë, në atë që u dyshua si atentat.
Ardian Çapja është vëllai i Sokol Çapja, i cili u ekzekutua në vitin 2005./b.b/fjala.al
