Detaje të reja janë zbardhur nga përplasja me armë zjarri në qytetin e Elbasanit. Ngjarja ka ndodhur në afërsi të Krastës dhe mësohet se është plagosur Ardian Çapja. Ai është plagosur sapo ka dal nga ambientet e hotelit. Mësohet se Ardian Çapja është shoqëruar nga familjarët për në spital ku është jashtë rrezikut për jetën.
Nga të dhënat e fundit mësohet së është një atentat ndaj fisit Çapja. Burime për gazetën “Fjala” raportojnë se në shkëmbimin e zjarrit janë përfshirë disa persona. Gjithashtu, mësohet se anëtarë të tjerë të fisit Çapja kanë qëlluar ndaj autorëve.
Autorët pas ngjarjes kanë braktisur dhe djegur makinën në zonën e Fushë Mbretit. Brenda në makinë ka pasur fishekë, të cilët kanë shpërthyer nga djegia duke plagosur njërin prej zjarrfikësve që po shuante flakët. Ndërkohë makina ishte e pajisur me targa false.
Njoftimi zyrtar i policisë
Policia tha zyrtarisht se rreth orës 09.37, në urgjencën e spitalit Elbasan, është paraqitur për ndihmë mjekësore shtetasi Ardian Çapja, rreth 55 vjeç, banues ne lagjen “Emin Matraxhiu”, Elbasan, dyshohet i plagosur me armë zjarri. Policia po punon për sqarimin e rrethanave të ngjarjes.
l.m/Fjala.al
