Kjo e hënë ka krijuar panik te qytetarët pasi janë ndjerë lëkundje të forta tërmeti. Grupi Mediatik “Fjala” ka kontaktuar sizmiologun Rexhep Koci i cili nuk ka nguruar të shpjegoi disa nga arsyet e tërmetit që ra rreth orës 17.21 minuta, me magnitudë 4.5. Koci u shpreh se fatkeqësisht lëkundjet do të vazhdojnë por jo definitivisht të ndjeshme.
Fjala e plotë
–Si i komentoni lëkundjet e sotme të tërmetit?
Koci- Që nga orët e para të ditës se sotme zona e veriut të rajonit që u prek nga tërmeti i 26 nëntorit është riaktivizuar në disa ngjarje sizmike nga te cilat dy kanë qenë më të fuqishme ajo e orës 1.52 minuta me magnitudë 3.7 dhe ora dhe ajo e orës 17.21 me magnitudë 4.2.
Këto dy tërmete me magnitudë relativisht të lart dhe disa pas goditje që kanë qenë nën këto, rreth 11 pasgoditje të lokalizuara në lindje të Ishmit dhe të Thumanës.
Ka pas edhe ngjarje të tjera, nuk është se kanë qenë vetëm këto, po duke qenë se janë në ketë zonë me të njëjtën karakteristika, jo gjithçka njerëzit perceptojnë një zonë e riaktivizuar si shumë herë të tjera pas tërmetit të nëntorit. Këto përfshihen në fashën e pas tërmetit të 26 nëntorit.
-Mendoni se do të ketë pas goditje të tjera?
Koci-Po, periudha që ka shoqëruar pas lëkundjet e tërmetit të nëntorit ka pas mikro-tërmete. por ka edhe nga ato tërmete që janë më të ndjeshme si ky i sotmi. Periudha pas tërmetore vazhdon të jetë e gjallë.
gj.b/fjala.al
