Nga 102 testime të kryera në 24 orët e fundit, u konfirmuan17 raste të reja pozitive me koronavirus.
Prej tyre 8 janë në Tiranë, 6 në Shkodër dhe 3 në Kamëz, mes tyre tre personel shëndetësor.
Rastet e konfirmuara janë kontakte të rasteve të mëparshme pozitive dhe disa raste të reja në Tiranë dhe Shkodër janë në proces hetimi.
Janë testuar në 24 orët e fundit 19 personel shëndetësor, nga të cilët 3 kanë rezultuar pozitivë nga kontakte dhe 1 personel është shëruar në 24 orët e fundit.
Pavarësisht shërimeve ditore, vijon të ketë shtrime të reja në spitalin infektiv, ku aktualisht po trajtohen 34 të prekur, nga të cilët 6 janë në terapi intensive, 2 prej tyre janë të intubuar.
Shpërndarja gjeografike e rasteve aktive është Tiranë 188; Shkodër 25; Krujë 24; Kamëz 17; Durrës 10; Mat 9; Lushnje 6; Tropojë 2; Korçë 1; Librazhd 1 dhe Mallakastër 1.
Nga fillimi i epidemisë janë kryer mbi 18500 testime molekulare dhe serologjike dhe janë konfirmuar pozitivë 1263 raste.
