Këtë të mërkurë ministri i Jashtëm i Italisë Luigi Di Maio ka marrë kërcënime me jetë në rrjetet sociale.
Lajmi u bë i ditur nga një postim: “Luigi Di Maio të duam të vdekur së bashku me të gjithë napoletanët”, “Luigi Di Maio i vdekur”.
Shumë anëtarë të qeverisë Conte e parlamentarë të forcave të ndryshme politike kanë shprehur solidaritet dhe kërkojnë që policia të zbardhë dhe të kapë autorët e këtyre thirrjeve kërcënuese.
Zëvendësministrja e Ekonomisë Laura Castelli ka shprehur mbështetjen e saj ndaj ministrit Di Maio dhe ka deklaruar se “nuk do të ketë kërcënim që do të ndalë impenjimin e punën e kësaj qeverie.”
Edhe Partia Forza Italia e ish-kryeministrit Silvio Berlusconi, përmes eksponentit të saj Simone Baldelli shpreh solidaritetin ndaj ministrit Di Maio e ndaj të gjithë atyre që janë kërcënuar, si dhe dënon dhunën sociale.
Bo.Ba./fjala.al
