Në vazhdimësi të reduktimit të masave shtrënguese ndaj COVID-19, shumë njerëz tashmë po fillojnë të mendojnë se ku do t’i kalojnë pushimet këtë verë.
Çdo shtet ka paraqitur rregulla të veçanta, disa kane filluar lehtësime të pjesshme ndërkohë që të tjerë si Finlanda, Spanja, Portugalia apo Franca, vazhdojnë ti kenë kufijtë të mbyllur për të gjithë turistët.
Po shqiptarët ku do mund të shkojnë këtë verë?
Drejtoresha e Komunikimit në TIA, Arlinda Causholli ka ndarë pak më parë në një intervistë për Radio Tirana lajme të mira për shqiptarët lidhur me rinisjen e fluturimeve.
Ajo deklaroi se këtë të premte, 12 Qershor 2020, Shqipëria do të pres 192 turistë që do te vijnë nga Bjellorusia. Ky është fluturimi i parë i planifikuar në Ballkan për qëllime turistike. Turistët do të shpërndahen, në Durrës, Vlorë dhe Ksamil. Turistët nuk do të duhet ti nënshtrohen testimit per COVID-19 dhe as të karantinohen.
Përsa i përket fluturimeve të tjera, ne faqen zyrtare te TIA njoftohet se prej ditës së hënë, datë 15 Qershor 2020, rifillojnë fluturimet komerciale disa herë në javë mes dy destinacione shumë të rëndësishmesh; Tiranë-Athinë dhe Tiranë-Vjenë.
Pas 15 qershorit pritet edhe rinisja e fluturimeve me Italinë, por nuk ka ende një datë të saktë. Znj. Causholli shpjegoi se shpresohet për një marrëdhënie dypalëshe që do të mundësonte lëvizjen e lirë.
Gjithsesi, për shkak te pasigurisë së situatës priten përditësime te vazhdueshme rreth rregullave të reja të fluturimeve dhe lëvizjes.
Bo.Ba/fjala.al
