Një 30- vjeçar nga Gorishova e Fierit ka rënë në prangat e policisë, pasi gjatë natës ka gjuajtur me kallashnikov.
Në një njoftim për mediat policia bën me dije se pas 13 orëve në pranga ka rënë një person me inicialet D.A, ndërsa u zbulua se ai kishte qenë i dehur kur kishte shtënë dhe nuk kishte lënduar njeri.
Pas të shtënave 30-vjeçari e kishte fshehur armën në pyll, megjithatë ajo u gjet dhe sekuestrua nga policia në cilësinë e provës materiale.
Njoftimi i policisë:
Fier- Policia zbardh ngjarjen e ndodhur në orët e para të datës 11.06.2020 në fshatin Gorishovë.
Kapet dhe arrestohet në flagrancë personi që gjuajti në ajër me armë zjarri.
Sekuestrohet arma me të cilën ka gjuajtur autori.
Sot, rreth orës 01:00, është marrë njoftim se në fshatin Gorishovë janë dëgjuar të shtëna me armë zjarri.
Nga të shtënat nuk ka pasur persona të lënduar.
Menjëherë, në fshatin Gorishovë, kanë shkuar shërbimet e Policisë, të cilët falë veprimeve të shpejta operacionale bënë të mundur kapjen dhe arrestimin në flagrancë të autorit të dyshuar, shtetasit D. A., 30 vjeç, banues në Gorishovë, i cili dyshohet se ka qenë në gjendje të dehur.
Në cilësinë e provës materiale u sekuestrua arma tip kallashnikov, të cilën 30-vjeçari e kishte fshehur në pyll.
Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme procedurale.ka.ta/Fjala.al/
