Një aksident ka ndodhur në rrugën dytësore Vorë- Tiranë, ku si pasojë një vajzë e re ka mbetur e plagosur.
Sipas policisë, 28-vjeçarja me iniciale A.L., humbi kontrollin e drejtimit të mjetit dhe u përplas me një shtyllë.
Ngjarja ka ndodhur mesditën e sotme, rreth orës 13:53, në rrugën dytësore Vorë-Tiranë. E reja ka goditur një shtyllë, për pasojë është dëmtuar duke u dërguar në spital.
Pas ndihmës së marrë gjendja e saj paraqitet e stabilizuar ndërkohë që ndodhet nën kujdesin e mjekëve.
Grupi hetimor dhe shërbimet e policisë ndodhen në vendngjarje dhe vijon puna për zbardhjen e rrethanave të ngjarjes./Bl.Ba/Fjala.al
