Kryedemokrati Lulzim Basha ka zhvilluar sot një takim në kafe me një grup maturantësh nga Berati. Pas takimit, përmes një reagimi në rrjetet sociale Basha shkruan se diskutoi me ta për problematikat dhe planet e tyre për të ardhmen.
Sipas tij, Qeveria “Rama” po e bën çdo ditë e më të pamundur për maturantët të vazhdojnë studimet e larta dhe kjo situatën do të marrë fund me ardhjen e PD-së në pushtet.
Postimi i plotë:
Kënaqësi të bisedoja dhe ndaja mendime me maturantët e Beratit për provimet e maturës dhe pengesat, ëndrrat e planet e tyre për të ardhmen.
Maturantët më treguan vështirësitë me të cilat përballen, problematikat e mëdha që shoqëruan këtë vit, paqartësitë, pamundësia për të realizuar mësimin online e deri tek niveli i lartë i vështirësisë së provimeve.
Shumë prej gjimnazistëve janë të paqartë për të ardhmen e tyre ndërsa vështirësitë ekonomike për të përballuar arsimin sa vijnë e shtohen.
Qeveria Rama po e bën çdo ditë e më të pamundur për maturantët të vazhdojnë studimet e larta.
Kjo situatë duhet dhe do të marrë fund. Me mua dhe PD asnjë nxënës nuk do të privohet nga e drejta për arsim për shkak të pamundësisë ekonomike.
Familjet e studentëve me të ardhura më pak se 640 mijë lekë të vjetra në muaj do të përfitojnë subvencion 100% të tarifës. Familjet me të ardhura mbi 640 mijë lekë të vjetra në muaj do të paguajnë gjysmën e tarifës. Për studentët në pamundësi, buxheti i shtetit do të mundësojë bursa dhe mbështetje financiare.
Ne do ta dyfishojmë buxhetin dhe do të anulojmë Ligjin e Arsimit të Lartë, do të ofrojmë stazhe për 10 mijë studentë çdo vit.
Bashkë me të rinjtë e të rejat e këtij vendi do të ndërtojmë një qeverisje normale që ofron mundësi për arsim cilësor, punësim e nje jetë normale me mundësi dhe dinjitet për të gjithë.
/En.Br./Fjala.al
https://www.facebook.com/lulzimbasha.al/posts/3237367346314424?__xts__[0]=68.ARB50PP9u8ppj66P43uTdOO56rgHNoIUPN2RSlbHToLqyJ9FEiUecniC7CvmkQM-5kiaY_DLpgjOm29kuCUuQroa95c7ny9sOFlBXwOdnzy22gyKUfeXMfRU4xqkh1nxdIQapvH7LwvTuy520lEMH9UTR4_Zs569saJ23DB83HG2NdtjwKiBQevDZW0UkmhtzvBwHuRGwjr7_i1qHotmGP0yl_zZHWCA9z_5DR8aJ822W7S1nCUOmSjaYEB-1e1RAOxi90w_eQXg7Kofclpz3U6oE5niRpw7hTGD5_ZG_M5oRR0EKN4IKPpzN_15YI-Mecu-WqvSf7trCjQ-I_QuE1UAmA&__tn__=-R
