Dy ditët e fundit shënuan shifrat më të larta të infektimeve me koronavirus, qysh nga nisja e pandemisë.
Këtë të enjte u shënua numri më i madh i rasteve të reja, plot 44, por duket se trendi i lartë do të vijojë edhe ditën e sotme.
Në qytetin e Vlorës i cili ka qenë me raste shumë të rralla qysh nga nisja e emergjencës, janë konfirmuar në orët e fundit pesë raste të reja infektimesh.
Katër janë kontakte familjare të rastit të konfirmuar ditën e djeshme, ndërsa njëri prej tyre është rast i ri.
Kujtojmë se rasti i djeshëm në Vlorë është ai i një bojaxhiu. I infektuari kishte punuar ditëve të fundit si bojaxhi në Himarë, ku dyshohet se ka pasur kontakte me një person nga Tirana.
Ndërkohë në zonën e infektimit me Covid-19 në vend përfshihet edhe Belshi. Dy raste të reja me Covid-19 në qarkun e Elbasanit, duke shënuar për herë të parë raste në Belsh.
Mësohet se të infektuarat janë nënë dhe bijë dhe janë kontakte të Tiranës. Në total në rang qarku janë infektuar 24 individë, ndërkohë aktivë janë vetëm 4, 1 në Librazhd, 1 në Elbasan dhe 2 në Belsh./Bl.Ba/Fjala.al
