Inspektori i Lartë i Drejtësisë ka ndjekur informacionet publike lidhur me vrasjen mbrëmjen e kaluar të shtetasit H.B., në zonën e Komunës së Parisit në Tiranë dhe të dhënat se ndaj këtij shtetasi ishte dhënë një dënim me burgim të përjetshëm.
Duke marrë shkas nga faktet e bëra publike në media ditën e sotme, zyra e Inspektorit të Lartë të Drejtësisë ka nisur verifikimin e këtyre fakteve dhe të rastit.
Ndërkohë “Fjala.al” ka siguruar një video ku shihet makina e bardhë ku u ekzekutua shtetasi “H.B”.
Policia dyshohet për vrasës me pagesë, megjithatë ende nuk ka asgjë të konfirmuar. Autorët dyshohet se e kanë gjurmuar viktimën për të mësuar të gjitha lëvizjet e tij, e kanë pritur sa është ngritur nga lokali në zonë dhe ka lëvizur me mjet dhe e kanë qëlluar me breshëri.
Ndër të tjera mësohet se në vendngjarje janë gjetur 30 gëzhoja, ndërsa arma ka qenë e tipit mp5 automatike e njëjtë me ato që përdor garda dhe është çuar në laborator. Megjithatë duhet theksuar se kjo armë nuk rezulton e regjistruar ne Shqipëri.
l.m/Fjala.al
