Presidenti i Republikës Ilir Meta ka bërë të ditur se do ti paraqesë Këshillit Kombëtar të Integrimit sugjerimet konkrete për integrimin e vendit në Bashkimin Evropian.
Meta tha se për integrimin duhet një ndërveprim i strukturuar dhe bashkëpunim gjithëpërfshirës në mënyrë që kushtet të mos mbeten të paplotësuar dhe çelja mos mbetet në vend numëro.
“Dihet që këto javë janë me rëndë për negociatat. KE do të prezantojë një raport për zbatimin e kushteve nga ana e Shqipërisë. Në takimin e këshillit unë paraqita disa vlerësime si duhet zhvillohet ky proces.
Duhet një ndërveprim i strukturuar dhe bashkëpunim gjithëpërfshirës në mënyrë që kushtet të mos mbeten të paplotësuar dhe çelja të mos mbetet në vend numëro. Do ti paraqesim këshilli sugjerimet konkrete me planet konkrete.
Ky dokument i detajuar do të bëhet publik në faqe pas dy orësh. Zbatimi i 15 kushteve janë mënyra e vetme për të bërë përparim siç e përcakton metodologjia e re e BE”, tha Meta.
Ndër të tjera Meta komentoi edhe vendimin e Këshillit të Lartë Gjyqësor që largoi nga detyra në Gjykatën e Lartë Ardian Dvoranin.
“Qëndrimi i Presidentit ka qenë dhe mbetet qëndrimi i Kushtetues dhe ligjit, që kanë qenë shumë të qarta. Vendimi i djeshëm në vlerësimin tim është i vonuar, por sidoqoftë është pozitiv. E vetmja mundësi për të ruajtur integritetin e institucioneve të reja të drejtësisë”, tha Meta.
Më tej ai theksoi se, “Për mua nuk kanë qenë të rëndësishëm individët. Natyrisht legjitimiteti i tyre është shumë i rëndësishëm. Për mua vendimtare ka qenë dhe mbetet respektimi i Kushtetutës dhe ligjeve që janë bërë në respekt të saj”./Bl.Ba/Fjala.al
