Policia e Vlorës ka arrestuar 29-vjeçarin, Ergest Sina, pasi u kap në banesë me 1 mijë e 700 fara bimore kanabisi dhe 72 fishekë luftarakë.
Në njoftimin e policisë bëhet me dije se Sina është një person me precedent penal dhe njihet për një ngjarje 4 vite më parë në qytetin e Vlorës.
29-vjeçari qëlloi me armë nga një mjet luksoz tip “Porche’’ afër një qendre tregtare por nuk la njeri të lënduar.
Njoftimi i policisë:
Ky shtetas ishte shpallur në kërkim, sepse Gjykata e ka dënuar me 2 vite burg, për veprën penale “Armëmbajtja pa leje”, për ngjarjen e ndodhur në janar të vitit 2016, në zonën e Skelës, pasi dyshohet se në bashkëpunim me një tjetër, ka qëlluar me armë zjarri në ajër.
Ditën e djeshme, pas kapjes së këtij shtetasi është ushtruar kontroll në banesën e tij në lagjen “24 Maji” Vlorë, ku janë gjetur dhe sekuestruar një sasi municioni luftarak (72 fishekë) dhe 1700 fara të dyshuara si cannabis sativa. Materialet iu referuan Prokurorisë, për veprime të mëtejshme.ka.ta/Fjala.al/
