Një ngjarje skandaloze është bërë publike së fundmi, ndërsa në një video shikohet një pedagogu i Fakultetit të Shkencave të Natyrës që i fut duart një studenteje teksa po i shpjegon një ushtrim në dërrasë.
Në media janë publikuar denoncime të shumta për mësues e pedagogë të cilët kanë përfituar seksualisht ndaj nxënësve dhe studenteve, duke shpërdoruar në mënyrën më të turpshme detyrën fisnike që kanë marrë përsipër të kryejnë.
JOQ Albania ka publikuar një denoncim në lidhje me një pedagog, i cili akuzohet se “iu fut duart” studenteve kur ngrihen në seminar para auditorit.
Siç shihet dhe në video pedagogu D.S, i cili jep mësim në Fakultetin e Shkencave të Natyrës në Tiranë, prek në fundshpinë një nga studentët që ka ngritur në seminar.
Ai e fërkon për disa sekonda studenten, teksa i shpjegon një ushtrim në dërrasë, ndërsa videoja është filmuar nga studentët e tjerë.
Nuk dihet koha se kur është filmuar videoja, por sipas denoncuesit kjo nuk është hera e parë që pedagogu në fjalë, i cili duhet theksuar se është në moshë, bën të tilla gjeste e veprime të turpshme në auditor.ka.ta/Fjala.al/
