Ish-deputeti i PD-së, Gerti Bogdani, ka hedhur akuza të rënda ndaj qeverisë për ishullin e Sazanit.
Me anë të një komenti në ‘Facebook’, Bogdani shprehet se këto ditë do të vijnë disa investitorë të huaj nga Afrika dhe do të blejnë pjesën Veri-Lindore të ishullit të Sazanit.
Sipas Bogdanit, periudha e pandemisë mund të ketë shërbyer për të realizuar një tender sekret, por që nuk është konfirmuar ende.
Postimi i plotë i Gerti Bogdanit
Këto dite po e pastrojnë nga ferrat, sepse flitet që do vijnë ‘investitorët’ nga Afrika e Veriut për ta inspektuar! (Bëhet fjalë për pjesën Veri-Lindore të ishullit, përballë Vlorës)
Shitur/Koncesion/PPP (nje Zot e di), nëse është e vërtetë është turp historik dhe babëzi unike!
Nese është e vërtetë (realisht shpresoj qe jo), duhet sqaruar a është shfrytëzuar gjendja e pandemisë dhe Covidit për t’u bërë me tender sekret dhe kush ka qenë ai i marrë që ka marrë guximin ta firmosi një procedurë të tillë.
la.mi/Fjala.al
