Shpërthimi i serbatorit të një kamioni ka vrarë dhjetë njerëz dhe ka plagosur 117 të tjerë. Ngjarja e rëndë ndodhi sot pasdite në provincën lindore kineze Zhejiang.
Sipas një njoftimi të burimeve vendase, shpërthimi i ndodhur pranë fshatit Liangshan shkaktoi shembjen e disa ndërtesave rezidenciale dhe fabrikash.
Një total prej 138 zjarrfikësish dhe 34 automjetesh po punonin për shuarjen e flakëve, njoftonte ministria kineze e emergjencave.
Lu Fang, e cila punon në një restorant pranë vendngjarjes tha për agjencinë Xinhua se dëgjoi një goditje të fortë.
“Xhamat e dyerve e dritareve të shtëpisë time u thyen, por për fat unë, vëllai dhe nëna ime nuk u lënduam,” tha ajo.
Ka.li/fjala.al
