Policia e Tiranës ka arrestuar shtatë persona, dy nga të cilët janë shpallur në kërkim.
Të arrestuarit akuzohen për vepra të ndryshme penale .
Sipas njoftimit të policisë në pranga u vu shtetasi Xh. Ç., 18 vjeç, banues në Tiranë. “Ky shtetas qarkullonte me mjet motor me drejtues shtetasin E.S., dhe gjatë kontrollit fizik ju gjet dhe ju sekuestrua në cilësinë e provës materiale 16 gr lëndë narkotike e dyshuar cannabis sattiva. Në vijim të veprimeve u procedua penalisht shtetasi E.S., 22 vjeç, për veprën penale “Moskallëzimi i krimit”, sqaron policia.
Nga ana tjetër një 28- vjeçar me inicialet A.V dhe një 34-vjeçar me inicialet O.C akuzohen për veprën penale janë arrestuar pasi kishin thyer masën e sigurisë “arrest shtëpie”.
Ndërkaq, një 32-vjeçar u arrestua për veprën penale “Vjedhja” e kryer në bashkëpunim dhe një 33-vjeçar për vjedhje dhe dhunë në familje.
Po ashtu policia arrestoi një 22-vjeçar pasi tek mbikalimi në Qafë Kashar, duke drejtuar mjetin tip “Ford” ka aksidentuar këmbësorin Z.Z.,i cili ndodhet në spital, në gjendje të rëndë shëndetësore. Ndërsa një 21 vjeçar u arrestua pasi u kap duke drejtuar mjetin pa lejen përkatëse dhe në gjendje të dehur./Fjala.al/Ke.Ba
