Shumëkush e mendon sërish në krye të pankinës së kombëtares, por ai e cilëson diçka të mbaruar. por pavarësisht se ka kaluar kohë, italo shqiptari Gianni De biasi është i afeksionuar pas vendit tonë. Tekniku nga Sarmede e vlerëson periudhën gjashtëvjeçare të drejtimit të Kombëtares së Shqipërisë si kohën më të bukur sportive të jetës së tij.
Trajneri italian kujtoi momentin kur dha dorëheqjen nga posti i trajnerit të Shqipërisë tre vjet më parë, përpara se të mbyllte fazën eliminatore të Kupës së Botës 2018.
“Tre vjet më parë vendosa të largohesha nga kombëtarja e Shqipërisë, një moment i vështirë për mua!!! Synimi ishte të lejoja ata që do të më zëvendësonin mua të kishin kohë të mjaftueshme për të njohur lojtarët. Më ka kushtuar shumë kjo, por si çdo gjë në jetë, ka gjithmonë një fillim dhe një fund, një histori e bukur duhet të ketë një fund. Faleminderit Shqipëri, faleminderit presidenti Duka, faleminderit të gjithë djemve protagonistë që mundësua rrugën drejt ëndrrës sonë! Faleminderit që më lejuat të përjetoj emocionet më të bukura sportive të jetës time!”, tha De Biasi.
