Ish-Presidenti Bujar Nishani ka bërë një analizë të punës së Presidentit aktual Ilir Meta. Nishani u shpreh për emisionin HARD TALK NGA ROLAND QAFOKU se nuk mund të spekulojë se çfarë do bënte nëse do ishte në vendin e presidentit aktual.
-Si e shikoni veprimtarinë e Presidentit Meta?
-Kam një parim që nuk dua të komentoj punën e Presidentit pasi kur kam qenë vetë në atë detyrë nuk më pëlqente që të komentonin punën time. Megjithatë unë e kam parë sjelljen e zotit Meta si shumë korrekte, dhe të domosdoshme në korrektësinë e tij në situatat që kemi kaluar ne në Shqipëri. Për fatin e keq ka qenë i vetmi institucion i cili nuk është nën ndikimin e politikës moniste që kontrollon sot shtetin shqiptar.
-Ju do bënit të njëjtën gjë që ka bërë zoti Meta?
-Vetëm këtë nuk mund ta them se nëse do e thoja do ishte nje spekulim total. Duhet të jesh aty dhe duhet ta kuptosh situatën në zyrën e presidentit dhe patjetër pastaj që në vendimmarrjen tënde ndikon formimi dhe parimet e tua. Nuk mund të them kurrë se si do veproja./Fjala.al/Ke.Ba
https://www.youtube.com/watch?v=iH6NOJjLzCs
