Është mbyllur me urgjencë këtë të hënë çerdhja numër 16 në ish-Bllok, pasi dyshohet se edukatoret janë infektuar me koronavirus.
Lajmin e bëjnë të ditur burime për mediat se ditën e sotme janë njoftuar prindërit që të marrin fëmijët e tyre dhe për 14 ditët e ardhshme nuk do të mund t’i çojnë më aty.
Dyshimet janë se një ose më shumë edukatore kanë rezultuar pozitiv me COVID-19 duke shtyrë drejt marrjes me urgjencë të këtij vendimi.
Lajmi është konfirmuar edhe nga zyrtarë të Bashkisë Tiranë, por nuk bëhet e ditur se kush dhe sa persona kanë rezultuar pozitiv, pasi kjo është kompetencë e personelit shëndetësor që merret me gjurmimin e rasteve./En.Br./Fjala.al
