Dy persona kanë rënë në prangat e policisë në Sarandë, pasi akuzohen për një sërë vjedhjesh në fshatrat minoritarë grekë.
Policia ka arrestuar Mentor Bejko dhe Flamur Kalemi si autorët e një sërë vjedhjesh seri në fshatrat minoritarë.
Policia bën me dije se ditën e djeshme këta 2 autorë kishin vjedhur disa bagëti të imta dhe u arrestuan pasi po udhëtonin me motor dhe u ndoqën nga u arrestuan dhe më pas iu sekuestrua edhe një thikë.
Ndërsa disa ditë më parë në fshatin Krane, këta persona kishin vjedhur 3 banesa duke marrë 120 mijë lekë.
Njoftimi i policisë:
Sarande
Finalizohet një tjetër operacion për goditjen e veprimtarisë kriminale në fushën e vjedhjeve, i koduar “Kraneja”.
Arrestohen në flagrancë dy shtetas që tentuan të largoheshin, të cilët u kapën gjatë ndjekjes nga shërbimet e Policisë.
Zbardhen dhe disa vjedhje të tjera në banesa, që dyshohet se janë kryer nga këta dy shtetas.
Në vijim të punës për parandalimin dhe goditjen e vjedhjeve në banesa, zbardhjen e atyre të ndodhura më parë, si dhe për kapjen e vënien para drejtësisë të autorëve, Policia e Sarandës, gjatë operacionit të koduar “Kraneja”, ka goditur një tjetër rast në fushën e vjedhjeve dhe ka zbardhur dhe disa raste të ndodhura më parë.
Më datë 14.06.2020, shtetasit M. B., 42 vjeç dhe E. K., 38 vjeç, banues në fshatin Gjashtë, Sarandë, në bashkëpunim me njëri-tjetrin, dyshohet se kanë vjedhur disa bagëti të imta të shtetasit E. M., Sarandë.
Me marrjen e njoftimit, shërbimet e Policisë kanë organizuar punën dhe kanë shkuar menjëherë në vendin e ngjarjes, duke bërë të mundur identifikimin e autorëve, të cilët në momentin që kanë parë shërbimet e Policisë kanë tentuar të largohen me shpejtësi me një motomjet, por janë kapur në flagrancë gjatë ndjekjes nga shërbimet e Policisë. Pas kontrollit të ushtruar Policia u ka gjetur edhe një mjet prerës, i cili është sekuestruar në cilësinë e armës së ftohtë.
Gjithashtu, nga hetimet e kryera, dyshohet se këta shtetas janë autorë të vjedhjeve së 3 banesave në pronësi të shtetasve O. S., N. S. dhe A. K., në fshatin Krane, disa ditë më parë, ku dyshohet se kanë marrë orendi shtëpiake me vlerë rreth 120.000 lekë.
Materialet do t’i referohen Prokurorisë, për veprime të mëtejshme.ka.ta/Fjala.al/
