Ish-zyrat e ndërmarrjes së pyjores në Berat kanë marrë flakë rreth orës 14:30 të ditës së sotme. Ky zjarr ka rënë në ish-godinën 2-katëshe që përdoret prej vitesh nga komuniteti Rom,pas dëmtimit të saj pas viteve ’97 dhe shndërrimi në gërmadhë.
Zjarri dyshohet të jetë i dyshimtë, ndërsa mësohet se flakët që vazhdojnë ende kanë shkaktuar dëme kolosale tek banorët e këtij komuniteti, që godinën e përdorin si magazina për të mbajtur rrobat e përdorura që shesin në tregje.
Për fat të mirë nuk raportohet për të lënduar nga zjarri,që nga specialistët e zjarrfikëses konfirmohet se ka qenë i qëllimshëm.
Aktualisht në vendngjarje kanë shkuar forca të shumta policie dhe zjarrfikëseje, që po mundësojnë lokalizimin e flakëve dhe fikjen e zjarrit.
Ndërsa nga policia po punohet për identifikimin dhe kapjen e autorëve. Ata kanë deklaruar se tani janë komplet të falimentuar sepse të gjithë ata janë me kredi në banka,që i kanë marrë për të vijuar këtë biznes.ka.ta/Fjala.al/
