Ditëve të fundit rastet e të infektuarve me koronavirus kanë ardhur në rritje, duke shënuar të prekur edhe në zona, ku më parë nuk kishte.
Edhe Bashkia e Durrësit rezulton tashmë “e infektuar”. Një punonjëse e bashkisë së këtij qyteti ka rezultuar pozitive me Covid-19.
Kjo ka bërë që të mbyllen dyert për qytetarët, dhe konkretisht zyra e protokollit.
Bëhet me dije se një numër i madh punonjësish janë karantinuar, ndërkohë që iu janë nënshtruar testimeve.
Zëdhënësi i Bashkisë së Durrësit, Dorjan Agolli deklaroi se edhe ai ishte në karantinë 14 ditore.
Ndërkaq, në godinën e bashkisë nuk janë lejuar qytetarët. Pritet që të bëhet dezinfektimi i saj e më pas të rikthehet shërbimi./Bl.Ba/Fjala.al
