Shoqata e Transportit Publik ka bërë me dije se ditën e nesërme do të zhvillojë protestë përpara Ministrisë së Infrastrukturës dhe Energjisë.
Në një postim në ‘Facebook’ kjo shoqatë bën me dije se protesta do të nisë në orën 11:00, ku punonjësit do të kërkojnë pagën dhe hapjen e transportit publik.
“Vendimi i strukturave shtetërore për shtyrjen me 1 javë të hapjes së transportit publik prek në mënyrë të drejtpërdrejtë të punësuarit në këtë sektor dhe familjet e tyre, për të cilat duhet të akordohet një pagë shtesë. Ju bëjmë me dije që kjo kërkesë është bashkëngjitur kërkesave tona për rifillimin e shërbimit”, shkruhet në njoftimin e Shoqatës së Transportit.
Rikujtojmë se transporti publik ishte njoftuar të hapej këtë të hënë, më 15 qershor, por u shty për shkak të rritjes së numrit të të infektuarve me koronavirus.ka.ta/Fjala.al/
