Napoli i trajnerit Rino Gattuso fitoi edicionin e 73 të Kupës së Italisë, pasi mundi Juventus me penallti në stadiumin Olimpico. Pa asnjë gol në 90 minuta e rregullta, dhe me heqjen e suplementareve nga FIGC, gjithçka u vendos te penalltitë, ku më të saktë ishin jugorët.
Në fraksionin e parë bardhezinjtë ishin të rrezikshëm me Ronaldo dhe më pas një shtyllë e Napolit me Insigne me goditje dënimi. për tu shënuar para pushimit edhe ndërhyrja vendimtare e Buffon ndaj Demme. Juve kërkoi të diktonte ndeshjen edhe në pjesën e dytë por pa sukses. Jugorët hodhën në fushë dhe shqiptarin Elseid Hysaj si zëvendësim të Mario Rui, por kjo influencoi pak, edhe pse Napoli kërkoi të siguronte krahët.
Te penalltitë askush nuk e priste që kampionët e Italisë të dështonin kaq keq. Goditje e Dybala dhe nuk e përmbushi misionin, ashtu si Danilo po për ekipin bardhezi. Te Napoli ishte gjithçka perfekte në goditjet e 11 metërshave: Insigne gol, Politano gol, Maksimovic gol, Milik gol. Trofeu për bandën e Gattuso ndërsa në kampin tjetër Sarri konfirmon direkt atë që thonë mediat: Nuk fiton asgjë në Itali.
