Kina zotohet se nuk do të nisë një luftë me Indinë por paralajmëroi se as nuk do të tërhiqet. Dy fuqitë e armëve nukleare po përballen me një përleshje të armatosur në kufi, pasi nga shkëmbimi i zjarrit orët e fundit kanë humbur jetën 20 qytetarë të Himalajeve.
The Global Times, gazeta e Partisë komuniste që drejton vendin, me tirazh 1.5 milionë kopje në ditë, publikoi një editorial në të cilin akuzonte hapur Indinë. Në të paralajmërohej se Pekini nuk do të tërhiqet nga asnjë lloj konfrontimi dhe thotë se ndasitë mes Kinës dhe Indisë janë më se të qarta.
Gazeta, e cila shumë shpesh cilësohet si zëdhënëse e qeverisë kineze, akuzoi Indinë për arrogancë dhe mosbindje në këtë valë tensionesh në kufi mes dy vendeve. Por Kina shton gjithashtu se nuk do ti përgjigjet kërcënimeve të Nju Delhit për kontrollin e kufijve, që sollën edhe përplasjet e para të armatosura që prej vitit 10975.
“Kina nuk do ta kthejë çështjen e kufijve me Indinë në një konfrontim ushtarak. Ky është zotimi ynë” shkruhet në të përditshmen The Global Times. Vetë kryeministri indian Narendra Modi, në reagimin e parë publik për ngjarjet e orëve të fundit, tha se vendi i tij është gati të kundërpërgjigjet në qoftë se provokohet nga Kina. Ka.li/fjala.al/Burimi:The Sun
