Shumëkush mund të thotë që është një politikë e fshehur në klub, që të mos i japë pushtet shqiptarëve, por puna e mirë e Arjan Peços te skuadra e të rinjve te Basel, ka fituar dhe admirimin e kundërshtarëve. Tani gjithsesi gjigantë helvetikë kanë menduar dhe kanë aplikuar ndryshime në stol, duke sakrifikuar shqiptarin për një legjendë të kombëtares, si Alexander Frei.
45 vjeçari Peço që si futbollist në Shqipëri spikati me Dinamon, vazhdoi karrierën në ekipe si Delémont, Yverdon, Concordia dhe Laufen. Shqiptari bëri një punë të admirueshme duke zbuluar jo pak talente për ekipin e parë, dhe ofertat për të nuk mungojnë. Tani Basel, “çelësat” e të rinjve ia beson legjendës Frei. Ish-trajneri i U18, bëhet zyrtarisht trajneri i ri i U21. Ish-sulmuesi i Bundesligës dhe ylli i kombëtares zvicerane kishte drejtuar stërvitjen e U21 në javët e kaluara.
Por është e mundur që Alex Frei në FC Basel është ende duke shkuar më lart, pasi konsiderohet “një yll në ngjitje”. Ai është në “Pole Position” për të zëvendësuar Marcel Koller.
