Pas dy çerdheve në Tiranë, Covid-19 mbyll edhe kopshtin numër 9 në qytetin bregdetar të Vlorës.
Burime për “Fjala” bëjnë me dije se e infektuar me koronavirus është kuzhinierja e këtij institucioni.
Sipas informacioneve, pas konstatimit të kuzhinieres pozitive me Covid-19, është vendosur mbyllja e kopshtit për të paktën 14 ditë.
E infektuara është bashkëshortja e një prej personave të rezultuar pozitiv një ditë më parë në qytet.
Kujtojmë se paraditen e sotme u konfirmua me koronavirus edhe një edukatore e çerdhes 11 në Laprakë.
Mësohet se në datën 12 qershor, gjatë momentit të paraqitjes së saj në punë, sipas protokollit të zbatimit për masat e parandalimit të përhapjes së COVID-19, u konstatua se punonjësja e çerdhes nuk kishte shfaqur asnjë simptomë tjetër kur u konstatua me temperaturë.
Më pas kjo punonjëse është futur në banesën e saj në karantinë, ndërsa thuhet se nuk ka pasur kontakt me fëmijët e punonjësit e tjerë të çerdhes. Pasi i është nënshtruar analizave të tamponit, edukatorja ka rezultuar pozitive./Bl.Ba/Fjala.al
