Në vazhdën e “protestave revolucionare” të promovuara nga lëvizja ‘ Black Lives Matter ‘ në Shtetet e Bashkuara, rreth një mijë protestues u mblodhën në Parkun Golden Gate të San Franciskos për të shkatërruar disa prej statujave “të lidhura” me skllavërinë dhe kolonializmin.
Një nga figurat që aktivistët rrëzuan është e priftit françeskan Fray Junípero Serra . Statuja e misionarit spanjoll u vendos në park për ta nderuar për themelimin e nëntë misioneve spanjolle në Alta California dhe kryesimin e pesëmbëdhjetë të tjerëve. Fray Junípero Serra u lumturua nga Papa Gjon Pali II dhe u kanonizua nga Papa Françesku.
Në rrjetet sociale u publikuan video të momenteve kur statuja rrëzohet në tokë. Vandalët e goditën statujën me shkopinj dhe e lyen atë me bojëra të ndryshme.
Kjo nuk ishte e vetmja ngjarje që ka ndodhur kundër personaliteteve historike të kombësisë Spanjolle.
Pamjet e monumentit në haraç të shkrimtarit spanjoll Miguel de Cervantes me bojë të kuqe dhe me fjalën “kopil” i gdhendur në piedestal janë shpërndarë gjithashtu përmes rrjetit social Twitter./ la.mi
Burimi: Lavanguardia, përshtati: Fjala.al
