Petrit Çarçiu nga Elbasani është bërë sërish objekt i një atentati, të cilit i ka shpëtuar për mrekulli.
Biznesmeni ka qenë me të birin kur është qëlluar ndaj tij. Dosja e tij është e mbushur me ngjarje të viteve më parë.
Më shumë se me emrin e Petrit Çarçiut, hakmarrja vjen për shkak të dy vëllezërve të tij që aktualisht ndodhen në burg në Spanjë dhe Holandë për probleme me drogën.
Ndërkohë, në fshatin ku jeton 48-vjeçari, tri herë i kanë djegur lokalin. Gjithashtu, mësohet se ai ka pasur probleme me gruan e parë dhe të dytë, ku njëra prej tyre e ka denoncuar dhe në polici për dhunë.
Burimet e Policisë bëjnë me dije, se Çarçiu është kthyer nga Gjermania dhe ka hapur një biznes në fshatin e tij të lindjes. Por, mesa duket ata që kanë hesape me pjesëtarë të familjes së tij, duke aluduar se paratë e investuara janë nga droga, kanë tentuar ta vrasin në shenjë hakmarrje.
Nuk dihet ende identiteti i autorëve, por policia po punon për gjetjen e tyre. Ka.li/fjala.al
