Futbollisti shqiptar, Enis Bardhi, ka shënuar një gol të bukur në La Liga që e ka rikthyer në vëmendjen e “scout” të ndryshëm dhe ka ringritur vlerat e tij në treg. Futbollisti shqiptar i Maqedonisë së Veriut realizoi rrjetën në fitoren 3:1 të Levantes në transfertën ndaj Espanyol, me një veprim të bukur në hyrje të zonës dhe një konkluzion që nuk i la shpëtim portierit.
Ndeshja ishte e vlefshme për javën e 30-të të kampionatit spanjoll. Bardhi shënoi në minutën e 67-të për rezultatin 2:1. Futbollisti 24-vjeçar këtë edicion ka tre gola e po kaq asiste. Ai është mes futbollistëve më të kërkuar te Levante dhe këtë verë pritet të ndryshojë fanelë, pasi disa ekipe janë gati të paguajnë të paktën 5 mln Euro për të.
