Një zjarr ka rënë pak minuta më parë në një apartament në zonën e Don Boskos. Mësohet se flakët kanë rënë në katin e fundit të një pallati, nga ku raportohet se nuk ka dëme njerëzore, por vetëm materiale.
Në një njoftim për mediat, polica bën me dije se banesa është në pronësi të personit me inicialet M.Ç., 60 vjeç, ndërsa zjarrfikëset po punojnë për shuarjen e flakëve.
Njoftimi i policisë:
Më datë 21.06.2020, rreth orës 17:30, në rrugën “Don Bosko”, ka rënë zjarr në katin e fundit të baneses në pronësi të shtetasit M.Ç., 60 vjeç, ku nuk ka të lënduar në njerëz, por vetëm deme materiale.
Sherbimet e zjarrfikses ndodhen në vendngjarje, të cilat po bëjnë të mundur fikjen e zjarrit.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.ka.ta/Fjala.al/
