Donald Trump, presidenti i Amerikës deklaroi se i ka kërkuar zyrtarëve të ngadalësojnë testimet për koronavirusin, pasi i cilësoi si ‘thikë me dy presa’ që kanë sjellë zbulimin e më shumë rasteve.
Ai u shpreh se SHBA-të kanë kryer 25 milionë testime, më shumë se çdo vend tjetër në botë.
“Kur bën testime në këtë përmasë do zbulohen më shumë njerëz, më shumë raste. Për rrjedhojë, i kërkova administratës të ulë testimet”, tha Trump në mbledhje partiake në Tulsa, Oklahoma, ku shumica e mbështetësve të tij nuk kishin vendosur maska.
Nga ana tjetër, zyrtarë të Shtëpisë së Bardhë thanë se Trump po bënte shaka për ngadalësimin e testeve. Presidenti tha se veprimet e tij për të ndaluar udhëtuesit nga Kina dhe Europa kanë shpëtuar “qindra mijëra jetë”.
Ekspertët shëndetësorë thonë se rritja e testeve diagnostikues përbëjnë për një pjesë të rritjes së rasteve, por jo të gjitha. Ka.li/fjala.al
