Dalja jashtë kontrollit e infeksioneve me coronavirus në një prej landeve më të rëndësishme në Gjermani, në Nord Rhein-Ëestfalen, ka shqetësuar autoritetet e futbollit pasi në vendin e zhvilluar europian do të organizohet faza “Final Eight” e Europa League në muajin gusht. Dortmundi dhe Gelsenkirchen dy nga qytetet ku do të zhvillohen ndeshjet e fazës finale të turneut më të vogël kontinental për klube, janë vetëm 80 kilometra larg Guetersloch, ku ndodhte thertorja më e madhe në Europë dhe aty përqendrohen më shumë fabrikat e prodhimit të mishit. Aty numri i të prekurve me COVID-19 ka shkuar 1029 dhe po kthehet në problem serioz.
Ministri i Landit, Armin Laschet, bëri një vizitë në Guetersloch për t’u takuar me komitetin e emergjencës që po merret me krizën dhe nuk përjashtoi mundësinë e rivendosjes së bllokimit në të gjithë shtetin federal, nëse do të vijojë rritja e infektimeve me vatra të reja. Ndërkohë, Ministri i Shëndetësisë së Ëestfalisë së Veriut ka urdhëruar teste të detyrueshme për të gjithë personat që punojnë në sektorin e përpunimit të mishit.
Por me planet e UEFA-s për të zyrtarizuar stadiumet në qytetet gjermane, një shpërthim i ri pandemie, mund të ojë në pezullim të kupës. Kështu në një skenar hipotetik, Europa League do të vendosej në tavolinë, ose mund të shkojë drejt anulimit.
