Skuadra kampione e Francës, Paris Saint Germain ka rifilluar stërvitjen në qendrën kryesore të transalpinëve me një fokus të veçantë: Liga e Kampionëve në Gusht është një objektiv, duke pasur parasysh ndërprerjen e Ligue 1 dhe titullin “në tavolinë”, e tani me kampionatin e fituar tashmë sytë janë te “kupa me veshë të mëdhenj”. Por ka diçka të re në daljen e fundit…
Klubi parizien komunikoi rezultatet e testeve sierologjike të kryera nga ku zbulohet se tre lojtarë dhe një anëtar i stafit teknik të PSG kanë rezultuar pozitiv për Coronavirus, me antikorpet prezente, por jo më me Covid-19 aktiv. Emrat nuk u zbuluan.
“Testet sierologjike të kryera para fillimit të aktiviteteve, treguan 4 raste të mëparshme të infektimit nga Covid-19 (tre lojtarë dhe një anëtar i stafit). Ata nuk janë më ngjitës dhe do të rifillojnë programin e tyre të trajnimit” thuhet në njoftim. por kjo ngre [pikëpyetje nga mediat transalpine, nëse e dinin këtë dhe e komunikuan sot, apo teste reale treguan prezencën e pandemisë në klubin kryesor.
