Policia greke ka goditur një organizatë kriminale e cila operonte në fushën e narkotikëve. Kjo organizatë vepronte më shumë në zonën Ilio, “Shën Petersburg”, N. Ionia dhe Trikala, Thesalia të Athinës.
Më 19 qershor janë arrestuar 14 anëtarët e kësaj organizate, tetë grekë dhe gjashtë shqiptarë. Ndërkohë pjesa tjetër e pjesëtarëve të grupit janë në kërkim.
Gjatë hetimeve, hetuesit grekë zbuluan se anëtarët e rrjetit kriminal ishin të përfshirë në trafikun e sasive të konsiderueshme të kokainës dhe kanabisit. Hetuesit kanë zbuluar strukturën hierarkike dhe rolet e pjesëtarëve.
Policia ka kryer 14 kërkime nëpër shtëpi dhe objekte të ruajtjes së drogës si dhe ka kontrolluar automjetet e të arrestuarve, duke sekuestruar mbi 1 kg kokainë, mbi 4 kg kanabis, si dhe 8 makina, pesë motoçikleta, katër peshore elektronike dhe një shumë prej rreth 36 mijë euro.
Gjithashtu, janë sekuestruar edhe një pistoletë, dy thika, 21 telefona celularë dhe një sërë pajisjesh të tjera. Të arrestuarit u dërguan në Prokurorinë Publike të Athinës.
la.mi/Fjala.al
