Një kontroll tjetër, gjithashtu pozitiv, dhe data e kthimit të Zlatan Ibrahimoviç po afron më shumë. Dëmtimi duket se është lënë pas, dhe gjiganti me origjinë boshnjake do të jetë një forcë e shtuar në repartin odfensiv të Milan, edhe pse ekipi nuk po vuan nga golat.
Suedezi tashmë mund të rishfaqet në fushë kundër Romës të dielën, duke filluar nga pankina. Një rikthim domethënës ky, nëse marrim parasysh ankthin për kushtet fizike të Zlatan Ibrahimovic, që u dëmtua më 25 maj, kur shokët e tij të skuadrës kishin parë që suedezi të vuante dhimbjet gjatë stërvitjes. Tani në kontrollin e fundit mjekësor erdhi një provë tjetër se po rikuperohet gjiganti i sulmit.
Problemi me këmbën e djathtë po lihet pas dhe Zlatan nuk dëshiron më të presë. Ai po ngulmon me trajnerin që të luajë ndaj Romës, edhe pse ndoshta do të futet në fraksionin e dytë. Një lajm i mirë dhe një i keq ka ardhur në Milano. Veç Zlatan Ibrahimovic të rikuperuar, Musacchio u operua në kyçin e këmbës së majtë dhe do mungojë për katër muaj.
