Partia Demokratike do të fillojë nga dita e sotme përzgjedhjen e kandidateve për deputet, duke shënuar kështu nisjen e fushatës elektorale. Kryesia e PD-së miratoi mënyrën e përzgjedhjes se kandidateve për deputet, ku rolin kryesor e ka anëtarësia.
Ky konsiderohet si një nga hapat më të rëndësishëm qe ndërmerr një parti politike në Shqipëri, bazuar në praktikat më të mira demokratike, përmes të cilit fuqizohet anëtarësia, rritet roli i saj dhe garantohet një lidhje dhe llogaridhënie e fortë mes të zgjedhurve dhe anëtarit te partisë.
Kjo parti do të ngrejë për herë të parë komisionin e vlerësimit të kandidaturave. Ndërsa rregullat dhe parimet mbi të cilat do të kryhet përzgjedhja e kandidateve ndahen në katër faza.
- Identifikimi dhe propozimi i kandidatëve nga anëtarët. Çdo anëtar ka të drejtën e propozimit të një kandidati. Edhe ata individ qe nuk janë propozuar nga anëtarësia, kane te drejtën e vetëpropozimit
- Verifikimi dhe seleksionimi i kandidatëve nga Komisioni i Vlerësimit të Kandidatëve.
- Konsultimi i listës se kandidatëve potencialë nga anëtarësia me parimin 1 anëtar, 1 votë.
- Zyrtarizimi i listës nga kryesia e partisë dhe miratimi nga Këshilli Kombëtar.
PD garanton se ky do jetë një proces i hapur për të gjithë ata që duan të jenë pjese e garës, pa asnjë paragjykim dhe bazuar mbi rregulla dhe norma transparente. Ndërsa të vetmit qe nuk do të mund të jenë pjese e garës janë personat që janë subjekt i ligjit te Dekriminalizimit, kanë qenë funksionar të lartë para viteve 90 apo bashkëpunëtor të sigurimit të shtetit. Gratë, te rinjtë, të përndjekurit dhe pronarët do të kenë një përfaqësim dinjitoz në listën e deputetëve të PD-së
Basha ka realizon kështu hapjen dhe demokratizimin e partisë dhe fuqizimin e rolit te anëtarit ne vendimmarrjet me te rëndësishme politike.
Ndërsa duke marrë vendimet më të rëndësishme me anëtarësinë, PD jep shembullin e saj se si do të jetë vendimmarrja e saj në qeverisjen e vendit.ka.ta/Fjala.al/
