Talenti Thomas Meunier nënshkruan për Borussia Dortmund në një marrëveshje katër vjeçare pasi mbrojtësi belg hodhi “në kosh” kërkesat e vazhdueshme të Manchester United, Chelsea dhe Spurs kur skadoi kontrata e tij për PSG. Skuadra gjermane përfundoi të gjitha praktikat me mbrojtësin e djathtë të kombëtares belge që do të jetë në Signal Iduna Park, për të paktën 4 sezone.
Meunier, 28 vjeç, ishte lidhur vazhdimisht në merkato me klubet e Premier League, Manchester United, Tottenham dhe Chelsea, por i është bashkuar gjigandëve të Bundesligës, Dortmund, në një transferim të lirë nga fillimi i sezonit të ardhshëm.
Pasi ka pozuar me një fanellë të Dortmundit, Meunier ka postuar në Tëitter: ‘Erdhi një ditë e shkëlqyer! Kam nderin e jashtëzakonshëm të njoftoj firmën time me Borussia Dortmund!. Një kapitull i ri na hapet, për ju, për mua. Çfarë krenarie për të veshur fanellën verdhezi. ‘
Në Francë, Meuinier fitoi titullin e Ligue 1 tre herë, si dhe Kupën Franceze 3 herë duke luajtur 128 ndeshje te PSG. Meunier luajti kundër Dortmundit në ndeshjen e parë të Champions në 16-she por u pezullua për ndeshjen e dytë, e cila e pa klubin francez të avancojë 3-2 në total. Ai pranoi se ishte i impresionuar nga tifozët e apasionuar të Dortmundit gjatë ndeshjes.
