Akuzat të reja janë shtuar ndaj Julian Assange. Kështu ka bërë të ditur departamenti amerikan i Drejtësisë, sipas të cilit Assange ka rekrutuar piratë informatikë dhe ka konspiruar për të ndërhyrë në kompjutera, veçanërisht në ato të një vendi të NATO-s.
“Këto akuza të reja mbështesin ato që janë bërë tashmë dhe nuk i shtohen 18 akuzave penale me të cilat themeluesi i WikiLeaks po përballet tashmë në SHBA”, theksoi ministria në një komunikatë.
“Sipas këtyre akuzave të reja, Julian Assange kishte konspiruar me anëtarët e grupeve të hakerave LulzSec and Anonymous. Ai kishte marrë gjithashtu një akses të paautorizuar në sistemin informatik qeveritar të një vendi të NATO-s”, sipas ministrisë.
Drejtësia britanike do të rifillojë më 7 shtator shqyrtimin e kërkesës së ekstradimit të Assange drejt SHBA-së, shtyrë për shkak të pandemisë së koronavirusit. Ka.li/fjala.al
