Kryetari i grupit parlamentar të Lidhjes Demokratike të Kosovës, Arben Gashi njofton se ka rezultuar pozitiv me COVID-19, bashkë me anëtarët e tjerë të familjes.
Përmes një njoftimi në Facebook, Gashi ka bërë të ditur se ai dhe familja e tij do jenë të izoluar në shtëpi për dy javë.
“Me simptoma të lehta si kokëdhembje e temperaturë, dje shkova të testohem në repartin e Infektives. Unë dhe familja ime dje rezultuam pozitiv me COVID-19, dhe për pasojë, do të jemi në izolim shtepiak dyjavor”, tha Gashi.
Deri të shtunën, numri i përgjithshëm i të infektuarve ka shkuar në 2,590, ndërsa kanë vdekur 48 pacientë. Raste aktive janë 1,148, ndërsa numri i përgjithshëm i të shëruarave, tani ka arritur në 1,394.
la.mi/Fjala.al
