Detaje të reja dalin nga arrestimi i Ilir Xhepajt, 33-vjeçarit i cili akuzohet si bashkëpunëtor i vrasjes së Bujar Likës dhe Paulin Gjergjit në Laç.
Xhepaj u arrestua pak pas mesnatës së 27 Qershorit në zonën e Astirit në kryeqytet. Policia kishte informacione se Xhepaj strehoej në një apartament të marrë me qira, në vendin ku dhe u prangos.
Burime bëjnë me dije se policia ka pasur në përgjim bashkëshorten e Ilir Xhepajt, përgjime të cilat kanë bërë të mundur gjetjen e vendodhjes së 33-vjeçarit.
Telefonata e fundit e Xhepajt rezulton të jetë me një person që jepte banesa me qira. Pasi ka mbaruar telefonatën, Xhepaj ka zbritur në hyrje të pallatit ku banonte, shkruan Klan Plus.
Emri i personit që ka takuar Xhepa për herë të fundit, nuk bëhet me dije për shkak të hetimeve. Në momentin që ka takuar personin, efektivë të komisariatit të Kurbinit në bashkëpunim me forcat operacionale të drejtorisë së përgjithshme të policisë së Shtetit, kanë vepruar menjëherë duke e prangosur./Fjala.al/Ke.Ba
