Mjeshtëri i valleve popullore Besim Zekthi është ndarë sot nga jeta. Të shumtë ishin personazhet publike që reaguan dhe dhanë mesazhet e tyre ngushëlluese për humbjen e “Nderit të Kombit.”
Politikanë, aktorë, artisë dhe njerëz të njohur shprehin konsideratat më të larta për valltarin e madh.
Presidenti i Republikës, Ilir Meta shkruan se vepra dhe kujtimi i tij do të mbeten të paharruara
“LAMTUMIRË KRYESHQIPONJA E VALLES SË SHQIPEVE, BESIM ZEKTHI! ? ??
Ndarja nga jeta e emblemës dhe solistit të pakrahasueshëm të Ansamblit të Këngëve e Valleve Popullore, Mjeshtrit të Madh dhe Nderit të Kombit, Besim Zekthi është thellësisht trishtuese.
Falë talentit të spikatur dhe interpretimit të lartë e virtuoz si askush tjetër, ai i dha valles shqiptare, pjesë e rëndësishme e trashëgimisë kulturore shqiptare, të gjithë shkëlqimin e merituar, duke u duartrokitur dhe vlerësuar nga shumë gjenerata.
Arti shqiptar humbi sot një prej personaliteteve më të shquara, që me krijimtarinë e tij koreografike, e bëri edhe më të famshëm identitetin dhe kulturën kombëtare në mbarë botën.
Edhe në periudhën më të errët të izolimit të vendit, virtuoziteti i Besim Zekthit dhe i artistëve si ai, arriti të lartësonte kulturën e popullit shqiptar dhe identitetit tonë europian edhe në skenat më prestigjoze botërore, ku mori të gjithë vlerësimin e merituar.
Falë emocioneve të papërshkruara në interpretimin e valleve ai rriti krenarinë, optimizmin dhe vetëbesimin e kombit tonë për ditë më të mira, mbështetur fort në rrënjët e traditave dhe vlerave më të mira kulturore e artistike të trashëguara brez pas brezi.
Përjetësisht krenarë e mirënjohës për kontributin e Besim Zekthit për promovimin denjësisht të pasurisë sonë kulturore kombëtare, duke i përçuar vlerat e saj tek brezat e artistëve të rinj dhe duke u shndërruar në një shembull të përjetshëm frymëzimi.
Ngushëllimet më të përzemërta familjes Zekthi, të afërmve, bashkëpunëtorëve dhe mbarë komunitetit të artistëve.
Vepra dhe kujtimi i Tij do të mbeten të paharruara!,” deklaron ndër të tjera Meta.
Aktori i njohur i humorit Zef Deda shkruan “Pushoftë në paqe…legjenda e valles Shqiptare.”
Ish-anëtarja e Ansamblit të Këngëve dhe Valleve Popullore, Linda Kalemi shkruan “ra një yll. Po shuhen vlerat çdo ditë, s’ka më ikona.”
Ministrja e kulturës, Elva Margariti shkruan se Besim Zekthi u kthye në një shembull dhe shkollë për brezat e rinj të kërcimtarëve, duke e kthyer traditën popullore, në një art elitar.
“Besim Zekthi, legjenda e kërcimit, shqipja e valles tonë u nda nga ne, duke lënë pas artin e tij të madh.
Besim Zekthi u kthye në një shembull dhe shkollë për brezat e rinj të kërcimtarëve, duke e kthyer traditën popullore, në një art elitar.
U prehtë në paqe!
Profesori i njohur Përparim Kabo shkruan se shqipe si ai nuk do ti kthehen më vendit tonë”
“Sot u nda nga jeta kryevalltari Besim Zekthi, “Mjeshter i madh”, “Nderi i Kombit”, solist i pakrahasueshëm i Ansamblit të Këngëve dhe Valleve Popullore, i cili shkëlqeu veçanërisht në vallet e njohura “Vallja e shqipeve” dhe “Festë ka sot Shqipëria”, një ndër protagonistët kryesorë që i dha Gjerdanin e Artë vendit tonë në festivalin e Dizhonit, në Francë, më 1970!
Komisioni i Artit dhe Trashëgimisë pranë Akademisë së Shkencave i shpreh familjes Zekthi ngushëllimet më të thella, si dhe kolegëve dhe admiruesve të valleve shqiptare kudo në Shqipëri dhe jashtë saj,” shkruan mes të tjerash Bajram Vila.
Inspektori i Përgjithshëm i Inspektoratit Qendror, Shkëlqim Hajdari shkruan “lamtumirë Besim Zekthi,”Nderi i Kombit”,vigani i valles shqiptare. Fluturoftë, në parajsën e Zotit, shpirti yt, o shqiponje…!”
Profesori i njohur Përparim Kabo shkruan se shqipe si ai nuk do ti kthehen më vendit tonë.
“Atdheu të ka në gji sepse ti e doje atë dhe e nderove kudo, në të gjithë botën,” shkruan Kabo.
Sot ti shqipe u ngrite per fluturimin pa kthim…eshte i fundit eshte vallja e ikjes…Besim Zekthi ngjitet ne qiell…e ashtu me krahet e hapur si dikur fluturon ne udhetimin e lamtumires…Ai fluturim nisi ne vitin e larget 1952 ne Filarmonine e Shtetit ndersa 1957…kur pas ndarjes se Teatrit me zhanret e tjera Besimi kaloi ne Asamblin e Kengeve dhe Valleve qe aso kohe drejtohej nga Cesk Zadeja…Atje gjeti koreografet Gezim Kaceli dhe Panajot Kanaci…ai trup lastar ai shikim i mprehte…ajo gjalleri e brendeshme qe nuk ishte vetem trupore…Dhe kulmon me vallen e Shqipeve…Ne Dizhon te Frances 1970…gjerdani i arte…Feste te Madhe o ka sot Shqiperia…vallet e veriut…Sa bukur e krijove koreografine e valles Dasma e Rugoves…Eh shqipe sa te dashur na e bere atdheun…rrenjet, historine, traditen te qenit shqiptare…Ato kostume popullore mernin shpirt e drite ne trupin tend, sa hijeshi ….e ndjej vallen e shqipeve bedenave te Kalase se Krujes ….dhe ti shkeputesh ne qiellin Arberor…Tirane Laberi ne Bjeshket ne Prishtine Gjakove Prizren fluturon ne Ulqin Kraje Podgorice…ne Diber Struge e Tetove…Shkup e Cameri…dhe i jep kraheve per here te fundit duke thene lamtumire ….trualli i shqipeve. Lamtumir mjeshter…si zor te kthehen shqipe si ty….por ne duhet te presim. Te qofte dheu i lehte….Atdheu te ka ne gji sepse ti e doje ate….dhe e nderove kudo…ne te gjithe boten.
Pkabo 28 qershor 2020…
la.mi/Fjala.al
