Për titullin kampion do të duhet ende shumë në futbollin spanjoll, por Real Madrid bëri një hap të madh këtë fundjavë, duke shtuar një “gur” në murin për La Liga. Skuadra merengues arriti të rikapërcejë Barcelonën e të rivendosë distancat në renditjen e La Ligës, dhe si për ironi të fatit, këtë e bëri me një sukses minimal 0-1 në Katalonjë.
Viktima e radhës për formacionin e “blancos” ishte Espanyol që iu dorëzua miqve me një gol të Casemiro, dhe kaq mjaftoi për të vendosur 3 pikët. Casemiro arriti të shënojë pas një pasimi të bukur nga sulmuesi francez Karim Benzema, duke lënë të pashpresë portierin pasi iu vodh mbrojtjes katalanase. Tani Reali rimerr vendin e parë në renditje, me dy pikë më shumë se Barcelona, kur ka ulur siparin java e 32 e La Liga.
